ئیران دەسوەسەر کەسی کرد ک وتیە: میز حوشتر چارەسەر کۆڕۆناس.
شەفەق نیوز/ لیوا عەلی زولقەدری فه‌رمانده‌ی پولیس ئەمن گشتی لە تەهران روژ چوارشەممە راگەیان ک ئەو کەسەگ روژ دوشەممە دەرچیه لە ڤیدیۆیگ و میز حوشتر خوەی جوور دەرمانیگ ئەرا ڤایرۆس کۆڕۆنا، دەسگیر کریا.
زولقه‌دری وت: ئەو کەسەگ باس سوود خواردن میز حوشتر کرد دەسگیر کریا، وه مه‌هانه‌ی ئه‌وه ك گومرای مەردم کەێد وەی قسه‌یله .
وتیش پارچە ڤیدیۆگە ک لەناوی میز خواردن حوشتر دیار بوی، لە ئەرزشەیل ئیسلامی ونیشتمانی كه‌م كه‌ید. وتیش ئی ڤدیۆه لە 13 ی نیسان تۆمار کریاس، لە یەکی لە ئاوایەیل نزیک شار کەرەج- خوەراوای تەهران، وئی کەسە ک دەسوەسەر کریا و رەوانەی دادگا كریا ، وەبی هویچ شەهادەتیگ یا موڵەتیگ لە دەسڵات نوسینگەی پزشکی دانایە.
دوشەممەی وه‌رین، کەسیگ لە ئیران پەیا بوی جوی پسپۆریگ لە پزشکی ئیسلامی و وت: ( دەرمان ها ئەیلا). ئی كه‌سه وەپی وتيان مەهدی سەبیلی وەڕەیەوبەر کومەڵەی زانست لە پزشک ئيمام جەعفر سادق، وئایەتەیل قورئان وەکار هاوردیا ک ئویشێد ( أفلا ينظرون إلى الأبل كيف خلقت) و له زوان ئیمام سادق وتیاد ( میز حوشتر دەرمانە).
