ئیران باس لە چەودێری دەركردن هێز ئەمریکا لە عیراق کەێد
شەفەق نیوز/ لیوا محمد باقری سرکردەی دەسەی ئەرکان گشتی هێز چەکدار ئیران، روژ دوشەممە، بەڵاوە کرد ک وڵاتەگەی چەودێری کەێد لە کەیس جیوەجیکردن حوکمەت عیراق ئەرا بڕیار پەرلەمان وە دەرکردن هێز ئەمریکی لە وڵات.
وئاماژە دا وە کوشتن سەرکردەی فەیلەق قدس لە حەرەس سەوری قاسم سلێمانی ودەس ئەمریکا، لە دەور تەیارەخانەی بەغداد روژ 3 کانون دوەم.
باقری وە وتاریگ لە کۆنگرەی گشتی سەرکردەیل هێزە ئەمنیەگان ناوخۆ، وە بازنەی تەلەفزیۆنی دەرنریاگی وت: ئی کار ناڕێکە ک دوشمن کرد وە کوشتن میوانیگ لە وڵاتیگ تر، پیاوەتی نیه.
ووتیش هێز چەکدارمان وەشیوەیگ ڕێک وەڵامی دا، ومیلەت عیراق ومیرگ بەرخودانیش وەڵامیگ تون ئی کاره دان، تا هیشتن پەرلەمان عیراقە هاوڕا بون لە بڕیار دەرکردن هێز ئەمریکا، ویەیشه کار بویچگی نیه.
ووتیش ئیران لە وەخت ڕێکیگ پەرسڤ کارەیل ئەمریکا داو وەرانوەر هڕەشەگانی وسیا.
