ئيران گرژيه‌يل سه‌ربازێ ناونى خوه‌ى و ئه‌مريكا به‌رزتره‌و كرد
شه‌فه‌ق نيوز/ ليوا محه‌مه‌د باقرى, سه‌رۆك ده‌سه‌ى ئه‌ركان گشتى هيزه‌يل چه‌كدار ئيرانى وت: بارودوخ ئيسه له هه‌ردوگ ئاست ناوخوه‌يى و ناوده‌وڵه‌تى، داوا له‌گشت ئيرانيه‌يل ئه‌كا ئه‌را ئاگاداربوين و جه‌نگ جيهاد.
باقرى له به‌ياننامه‌يگ وه بوونه‌ى " رووژ نيشتمانى ئه‌را وه‌رگرى و قوربانى و سه‌ركه‌فتن" وت: ئيمه ده‌سمان ها بان پيلكه‌يل و ئاماده‌يم وه‌گشت هيزيگه‌و ئه‌را له‌ناوبردن هه‌ر ده‌سدريژيكه‌ر و ته‌ماكاريگ.
جى باسه، باقرى جه‌خت له‌وه‌يش كرد بارودوخ تازه ئه‌را روێ وه‌ڕوێ بوينه‌وه‌ى رژيم سته‌مكار ئه‌مريكى، داوا له گشت ئيرانيه‌يل ئه‌كا ئه‌را جيهاد و ئاگاداربوينه‌وه و په‌نابردن وه هيز زياتر و بايه‌سيشه له‌بان دوشمنه‌يل ئه‌وه بزانن ك هيزه‌يل ئازاى چه‌كدار و وه‌هيز هانه نواێ روێ وه‌ڕوێ بوينه‌وه‌ى پيرووز و مێژوويى و هويچ وه‌ختيگ له مه‌كر دوشمن غافڵ نين وه تايبه‌ت له ئداره‌ى ئه‌مريكاو سه‌رۆكى رێ وڵكه‌ره‌گه‌ێ.
