ئيران نه‌وه‌يگ تازه له مووشه‌كه‌يلى وه سه‌ركه‌فتگ تاقييه‌و كرد
2020-06-18T11:23:52+00:00
شه‌فه‌ق نيوز/ هووكاره‌يل ره‌سانن ئيرانى، باس له‌وه كردن ده‌رياوانى سوپاى وڵاته‌گه‌ى وه سه‌ركه‌فتگى مانۆڕايگ مووشه‌كى كرۆز مه‌ودا كورت و دريژ له ئاوه‌يل ده‌رياى عومان و باكوور ئوقيانووس هندى تاقييه‌و كردگه ك ده‌سكرد ناوخوه‌ييه.
ئاماژه وه‌يه‌يش كردن ئه‌و مووشه‌كه‌يل كۆرۆز ده‌سكرد ناوخوه‌ييه تويه‌نستنه ئه‌و ئامانجه‌يله بپێكن ك ديارى كريانه وه دويرى 280 كم ك قابليشه ئه‌را زيايكردن.
جى باسه، ئه‌و مووشه‌كه‌يل ده‌سكرد تازه ك له‌ى مانۆڕا هاوريانه‌سه كار، له‌لايه‌ن كارخانه‌يل وه‌زاره‌ت وه‌رگرى وه هاوكارى وه‌ل ده‌رياوانى سوپاى ئيرانى دروس كريانه.
