ئيران قسه له‌باره‌ى هاتن ته‌ياره هه‌ڵگره‌يل ئه‌مريكى كرد
2019-05-07T10:26:55+00:00
شه‌فه‌ق نيوز/ كه‌يوان خوسره‌وى قسه‌كه‌ر وه‌ناو ئه‌نجومه‌ن ئاسايش نه‌ته‌وه‌يى ئيرانى وت: هيزه‌يل چه‌كدار ئيرانى خه‌ريك ئه‌نجامداين چاوديرى فراوانيگن ئه‌را ته‌ياره هه‌ڵگره‌يل ئه‌مريكى USS Abraham Lincoln دوياى ده‌ركه‌فتن هاتنيان ئه‌را ناو ده‌رياى ناوڕاس له وه‌رجه 21 رووژ.
خوسره‌وى ئى گامه له‌لايه‌ن واشنتۆنه‌و وه ئه‌وه تاريف كرد ك كرده‌وه‌يگ ناپه‌سه‌نه له‌وه‌ر خاتر دروسكردن جه‌نگ ده‌روينى دژ ئێران، جوور ئه‌وه‌گ ئاژانس ئيرناى ئيرانى ئاماژه وه‌پى كردگه.
جى باسه، يه‌يش له‌وه‌ختيگه رووژنامه‌ى "وۆل تسريت جورناڵ" ئاشكراى ئه‌وه كرد واشنتۆن له هه‌فته‌ى گوزه‌يشت بڕيگ زانيارى ده‌سى كه‌فتگه له‌باره‌ى جموجويلێ دژ وه ئيران و وت: ئه‌و زانياريه‌يله باس له پلان ئيران كردنه ئه‌را وه‌ئامانج گرتن هيزه‌يل ئه‌مريكى له عراق و سوريا.
