ئيران: ده‌س ئه‌كه‌يمنه قوناغ تازه‌يگ و وه‌خته‌گه‌يش ئه‌را ناوجيوانى گونجياگ نيه
2019-05-28T10:59:15+00:00
شه‌فه‌ق نيوز/ عه‌باس موسه‌وى قسه‌كه‌ر وه‌ناو خارجيه‌ى ئيرانى، وت: دبلۆماسيه‌ت ئيرانى ده‌س كرده‌سه قوناغ تازه‌يگ و وه‌زير خارجيه‌يش ئيرانيش ده‌س ئه‌كاده گفتگوو وه‌ل ده‌وڵه‌ته‌يل تر له ماوه‌ى چه‌ن هه‌فته‌يگ تر ئاينده.
موسه‌وى له كۆنگره‌يگ رووژنامه‌گه‌رێ وت: له حاڵ حازر ئيران تماشاى دانيشتن وه‌ل وڵاته‌يل يه‌كگرتگ ناكاو فريه‌يش گرنگى وه لێدوانه‌يل تره‌مپ نايه‌ێد چوينكه گرنگ ئه‌وه‌سه وڵاته‌يل يه‌كگرتگ ريڕه‌و و ره‌فتار خوه‌ى ئاڵشت بكا.
موسه‌وى هه‌ميش وت: ته‌هران ئاسوو گفتگوو وه‌ل واشنتۆن نادوينێد و بايه‌سه ريز له ريككه‌فتنه‌يل ناوده‌وڵه‌تى بگرێد و ئاماژه وه‌يه‌يش كرد قوناغ ئيسه گونجياگ نيه ئه‌را ناوجيوانى له‌ناونى ته‌هران و واشنتۆن و يه‌يش ده‌رخست ك وڵاته‌گه‌ى هه‌وڵ لاوردن گرژى له ناوچه‌گه ئه‌ياد.
