ئيران جواو تره‌مپ داره‌و: ئه‌مريكا ته‌ياره‌يگێ وه هه‌ڵه خسته‌خواره‌وه
شه‌فه‌ق نيوز/ عه‌باس عراقچى جيگر وه‌زير خارجيه‌ى ئيران، ئه‌وه خسته دروو ك ئيران له‌ى دوياخره ته‌ياره‌يگ بى ته‌ياره‌وان گوم كردوێد و باس له‌وه كرد وڵاته‌يل يه‌كگرتگ وه هه‌ڵه يه‌كيگ له ته‌ياره‌يله خستوێده خوار.
عراقچى له ماڵپه‌ڕ كۆمه‌ڵايه‌تى تويته‌ر وت: هويچ ته‌ياره‌يگ بى ته‌ياره‌وان له‌ده‌س نه‌يايمنه له ته‌نگ هورمز يا له هه‌ر شوونيگ تر و گومان له‌وه ئه‌كه‌يم كه‌شتيه ئه‌مريكيه‌گه(يو ئێس ئێس بوكسه‌ر)يه‌كيگ له ته‌ياره‌يل ئه‌مريكييان وه هه‌ڵه خستوێده خوار، ئه‌ويش دوياى ئعلانه‌گه‌ى وڵاته‌يل يه‌كگرتگ وه ئه‌وه‌گ ته‌ياره‌يگ بى ته‌ياره‌وان ئيرانى خسته‌سه خوار.
جى باسه، دويه‌كه په‌نجشه‌ممه دۆناڵد تره‌پ سه‌رۆك ئه‌مريكا، وت: هيز ده‌رياوانيمان ته‌ياره‌يگ بى ته‌ياره‌وان ئيرانى خسته‌سه خوار دوياى نزيكه‌وبوينى له كه‌شتييگ ئه‌مريكى له ته‌نگ هورمز.
