ئيتاڵيا.. مردن 793 كه‌س وه كۆرۆنا و به‌رزه‌وبوين شماره‌يل مردن ئه‌را 4825 كه‌س
2020-03-21T20:46:19+00:00
شه‌فه‌ق نيوز/ ده‌سڵاته‌يل ئيتاڵى ئاشكراى مردن 793 كه‌س له سه‌رانسه‌ر وڵاته‌گه له ئه‌نجام تويشهاتن وه ڤايرۆس كۆرۆناى تازه له‌ماوه‌ى 24 سه‌عات گوزه‌يشت، وه‌يه‌يش شماره‌ى حاڵه‌ته‌يل مردن له وڵاته‌گه ره‌سيه 4825 حاڵه‌ت.
وه‌گووره‌ى ده‌سڵاته‌يل، شماره‌ى حاڵه‌ته‌يل تويشهاتنيش وه ڤايرۆس كۆرۆنا ره‌سيه‌سه 53578 كه‌س و له‌و شماره‌يشه 6072 كه‌س له‌ليان خاسه‌و بوينه.
جى باسه، زويتريش ده‌سڵاته‌يل هه‌رێم لۆمبارديا له باكوور ئيتاڵيا، ئاشكراى تۆماركردن نزيكه‌ى 546 حاڵه‌ت مردن تازه كردن له‌ئه‌نجام تويشبوين وه ڤايرۆس كۆرۆنا له ماوه‌ى 24 سه‌عات گووزه‌يشت.
