ئه‌ڵمانيا په‌لاماره‌يليگ دژ مزگفته‌يلى پويچه‌ڵه‌و كرد
شه‌فه‌ق نيوز/ راپۆرته‌يل ره‌سانن باس له‌وه كردن ئه‌ندامه‌يليگ له كۆمه‌ڵه‌ى راسڕه‌وه‌يل بيلايه‌ن ك له‌ئه‌ڵمانيا ده‌سوه‌سه‌ر كريانه له چوارچيوه‌ى په‌يجوريه‌يل فراوان ئه‌را له‌ناوبردن تيرۆر پلان ئه‌را ئه‌نجامداين په‌لاماره‌يليگ فراوان دانانه دژ مزگفته‌يل له هاوشيوه‌ى ئه‌و په‌لاماره‌يله ك ساڵ گوزه‌يشت له نيوزله‌ندا روێدا.
له‌ى باوه‌ته‌و، هه‌ردوگ رووژنامه‌ى "دير شبيغل" و"بيلد" ئه‌وه ده‌رخستن و وتن: ئه‌و كۆمه‌ڵه ك 12 كه‌س له ئه‌ندامه‌يلى ده‌سوه‌سه‌ر كريانه، وه‌نياز ئه‌وه بوينه په‌لاماره‌يليگ دژ مزگفته‌يل ئه‌نجام بيه‌ن له وه‌خته‌يل نمازخوه‌نين.
جى باسه، راپۆرته‌يل باس له‌وه‌يش كردن، ئه‌و ده‌سوه‌سه‌ركرياگه‌يله پلان دانانه په‌لاماره‌يليان جوور په‌لاماره‌يل كرايس تشيرش له نيوزله‌ندا ئه‌نجام بيه‌ن ك له‌تى دو مزگفت كريا ئامانج و 51 كه‌س له‌تيان كوشيان.
