ئه‌نقه‌ره ده‌يان خوه‌ينيشانده‌ر دژ په‌لاماره سه‌ربازيه‌گه‌ێ له عه‌فرين ده‌سگير كرد
2018-01-23T17:19:00+00:00
شه‌فه‌ق نيوز/ پۆليس توركى 42 چالاكوان ده‌سگير كرد بيجگه وازكردن په‌يجورێ دژ چوار نوێنه‌ر له حزب ملله‌ته‌يل ديموكراسى، ئه‌ويش وه بوونه‌ى خوه‌ينيشانداينيان له‌بان كرده‌وه‌يل سه‌ربازێ ك ئه‌نقه‌ره ئه‌نجامى ئه‌ياد دژ جه‌نگاوه‌ره‌يل كورد له باكوور سوريا.
له‌ى باوه‌ته‌و، هووكاره‌يل ره‌سانن توركى ئه‌وه ده‌رخستن ك 23 كه‌س له ئه‌زمير ده‌سگير كريانه‌و له ناونيشانيش شه‌ركس ئيدمير وه‌رپرس ناوچه‌يى حزب ملله‌ته‌يل ديموكراسى.
جى باسه، 14 كه‌سيش له پاريزگايه‌يل وان و ئه‌غدير و موس ده‌سگير كريان وه‌ل 5 كه‌س تر له مرسين له باشوور وڵاته‌گه.
