ئه‌نجومه‌ن نوێنه‌ره‌يل ئه‌مريكا: دويره‌وخستن تره‌مپ هيمان خرياسه‌ڕوێ
شه‌فه‌ق نيوز/ نانسى بيلۆسى سه‌رۆك ئه‌نجومه‌ن نوێنه‌ره‌يل ئه‌مريكى، باس له‌وه كرد مه‌سه‌له‌ى دۆناڵد تره‌مپ و ئاماده‌كارى ئه‌را لاوردنى هيمان خرياسه‌ڕوێ، وه‌لێ جيوه‌جيكردنى بايه‌سه مه‌سه‌له‌گه وه‌ته‌واوى شيه‌و بكريه‌ێد وه‌رجه ئه‌وه‌گ نوێنه‌ره‌يل باس له‌لى بكه‌ن.
بيلۆسى له لێدوانيگ وت: هويچ چشتيگ نيه له‌باره‌ى لاوردن تره‌مپ دويره‌وخرياێ بدێ، گشت ئه‌گه‌ره‌يليگ وجوود ديرێد، وه‌لێ ئه‌خوازيم مه‌هانه‌گه له‌جێ خوه‌ێ بدێ و ته‌نانه‌ت ئه‌نجومه‌ن پيره‌يل قه‌ناعه‌ت داشتوود وه ئه‌وه‌گ بايه‌سه وڵاته‌گه‌مان ئى ڕێگه له‌وه‌ر بگرێد.
جى باسه، زويتريش بيلۆسى باس له هه‌ڵوێست رۆبه‌رت موله‌ر په‌يجووريكه‌ر تايبه‌ت له خواست ده‌خاڵه‌ت رووسى له هه‌ڵوژاردنه‌يل سه‌رۆكايه‌تى 2016 كرد و ئاماژه وه‌ئه‌وه كرد ئه‌نجامه‌يل په‌يجوورى موله‌ر ئه‌وه ده‌رخه‌ن ك وه‌زاره‌ت داد ترامپ له‌بان ياساوه داناگه.
