ئه‌مريكا و چين بوينه هووكار داوه‌زين نرخ نه‌فت له بازاڕه‌يل جه‌هانى
2019-09-02T08:18:56+00:00
شه‌فه‌ق نيوز/ نرخ نه‌فت دوياى گرتنه‌وه‌ر باجه‌يليگ تازه‌ى گومرگى ك وه‌بوونه‌ى سزايه‌يل ناونى وڵاته‌يل يه‌كگرتگ و چين ئه‌نجام گرت، داوه‌زێ، يه‌يش بويه هووكار مه‌ترسى په‌ره‌سه‌ندن جه‌هانى زياتر زه‌رد له‌لێ بكه‌فێد و داواكارى كه‌مه‌و بدێ له‌بان نه‌فت.
نرخ نه‌فت خام برنت جه‌هانى 42 سه‌نت داوه‌زێ، ك ئه‌كاده 0,7 له‌سه‌د و هه‌ر به‌رميلێگى وه 58,83 دۆلار مامه‌ڵه وه‌پيه‌و كريا له سه‌عات 0041 وه وه‌خت گرينتش.
يه‌يش له‌وه‌ختيگ ئداره‌ى دۆناڵد تره‌مپ سه‌رۆك ئه‌مريكا، باجه‌يليگ چه‌سپان وه ريژه‌ى 15 له‌سه‌د له‌بان داهات چين ك نرخى له 125 مليار دۆلار په‌ڕێه‌و، له‌وانه‌يش ئامێره‌يل زيره‌ك قسه‌كه‌ر و گووشى بلۆتۆس و جووره‌يل تر له كاڵا.
