ئه‌مريكا هاوپه‌يمانييگ ناوده‌وڵه‌تى دژ ئيران دامه‌زرنێد
2018-05-18T09:43:00+00:00
شه‌فه‌ق نيوز/ ئه‌مريكا دوياى خوه‌يكيشانه‌وه له ريككه‌فتنه ئه‌تۆميه‌گه، هه‌وڵ ئه‌وه ئه‌ياد هاوپه‌يمانييگ ناوده‌وڵه‌تى دژ رژيم ته‌هران و چالاكيه بشيونه‌گه‌ێ له ناوچه‌گه دامه‌زرنێد.
له‌ى باوه‌ته‌و، هيزه‌ر ناورت قسه‌كه‌ر وه‌ناو وزاره‌ت خارجيه‌ى ئه‌مريكى له لێدوانيگ ك شه‌فه‌ق نيوز ئاگادارى بوى، وت: وڵاته‌يل يه‌كگرتگ وه جددى كار له‌بان دامه‌زرانن هاوپه‌يمانييگ ئه‌كا دژ ئيران.
قسه‌كه‌ر وزاره‌ت خارجيه هه‌ميش وت: ئى هاوپه‌يمانيه دژ ملله‌ت ئيرانى نيه، به‌ڵكوو دژ رژيم ئيرانه و مه‌سه‌له‌گه په‌يوه‌سه وه ئيران و كاره‌يل خراوى.
