ئه‌مريكا قاپى ئه‌را ئه‌فغانيه‌يل واز كرد
2017-05-02T06:17:00+00:00
شه‌فه‌ق نيوز/ وڵاته‌يل يه‌كگرتگ ئه‌مريكى بڕيار دا 2500 فيزاێ زيايه بيه‌ێده ئه‌و ئه‌فغانيه‌يله ك ده‌سميه‌ت هيزه‌يل ئه‌مريكى دانه له وه‌خت جه‌نگ له وڵاته‌گه‌يان، يه‌يش له چوارچيوه‌ى ريككه‌فتنيگ وه بڕ يه‌ك تريليۆن دۆلار ئه‌را ته‌مويل حكومه‌ت ئه‌مريكى.
له‌ى باوه‌ته‌و، ئاژانس روێته‌رز ئه‌وه ده‌رخست ك باڵوێزخانه‌ى ئه‌مريكى له كابڵ له مارس گوزه‌يشت باس له‌وه كردگه ك دياريكردن واده‌يل له‌وه‌رگرتن ڕى وشوون ئه‌را داين فيزا وسانگه ك هه‌رچه‌نى ياساى ريداين وه‌رگرى نيشتمانى په‌سه‌نى كردوێد له كووتايى 2016 ك 1500 فيزاى تازه بدريه‌ێده ئه‌فغانيه‌يل.
جى باسه، وزاره‌ت خارجيه‌ى ئه‌مريكييش ئاماژه وه ئه‌وه كرد ك تا 20 ئبريل ته‌نيا 780 فيزاى تايبه‌ت مه‌ندگه، وه‌لێ له هه‌مان وه‌خت فيشتر له 14 هه‌زار كه‌س ئه‌فغانى داواى فيزا كردنه.
