ئه‌مريكا.. شماره‌يگ پێوه‌رى له مردن وه كۆرۆنا و پلانيگ فرياكه‌فتن وه 2 تريليۆن دۆلار
شه‌فه‌ق نيوز/ له رويداگه‌يليگ تازه‌ى دڵته‌نگى، ڤايرۆس كۆرۆناى تازه بويه هووكار مردن 345 كه‌س له وڵاته‌يل يه‌كگرتگ له ماوه‌ى 24 سه‌عات گوزه‌يشت، ئه‌ويش وه گووره‌ى ئامار زانكۆى حۆنز هۆبكنز، ك يه‌يش شماره‌يگ پێوه‌رييه‌و له جه‌م ئاماره‌يل له وڵاته‌گه به‌رزه‌و كرد ئه‌را 1475 حاڵه‌ت مردن، وه‌ل ئه‌وه‌يشا سه‌رۆك ئه‌مريكا ئمزا له‌بان پلانيگ فرياكه‌فتن كرد وه بڕ 2 تريليۆن دۆلار.
له‌ى باوه‌ته‌و، ئه‌ندرۆ كۆمۆ حاكم ولايه‌ت نيويۆرك وت: تائيسه زوورم حاڵه‌ته‌يل مردن له سه‌رچه‌وه‌ى ڤايرۆسه‌گه بويه له وڵاته‌گه‌و پيشبينى ئه‌وه‌يش كرد ئه‌و ڤايرۆسه له نيويۆركيش له ماوه‌ى 21 رووژ بڵاوه‌و بدێ.
كۆمۆ ئه‌را رووژنامه‌نويسه‌يل وت: ولايه‌ت نيويۆرك ك شماره‌ى حاڵه‌ته‌يل مردن له‌تى تا رووژ په‌نجشه‌ممه‌ى گوزه‌يشت 385 كه‌س بويه، نزيكه‌ى 44635 حاڵه‌ت تويشهاتن وه ڤايرۆس كۆرۆنا له‌تى تۆمار كرياگه و پيشبينى يه‌يش كردگه ريژه‌ى حاڵه‌ته‌يل مردن زياتر بدێ.
