ئه‌مريكا دژ چالاكيه‌يل ئيران له ناوچه‌گه هاته ده‌نگ
شه‌فه‌ق نيوز/ ماڵ چه‌رمگ ئاشكراى ئه‌وه كرد ك دۆناڵد ترامپ سه‌رۆك ئه‌مريكى له په‌يوه‌نديگ ته‌له‌فۆنى وه‌ل ئيمانۆيل ماكرۆن سه‌رۆك فره‌نسى جه‌خت له‌بان ئه‌وه كردگه ك ئيران چالاكيه‌يلێ بووسنێده‌و ك بويه‌سه هووكار شيوانن سه‌قامگيرى له ناوچه‌گه.
له‌لايه‌ن خوه‌ييشه‌و، ماكۆرن جه‌خت له گرينگى ريزگرتن له ريككه‌فتن ئه‌تۆمى كرد وه‌ل ئيران ئه‌را گشت ئه‌وانه‌گ ئمزا له‌بانى كردنه وه‌گووره‌ێ ريككفه‌تن ئه‌ليزى و هه‌ر وه‌و خاتريشه سه‌رۆكايه‌تى فره‌نسى له به‌ياننامه‌يگ وت: جيوه‌جيكردن دروس ئه‌را ريككه‌فتن بايه‌سه گفتگوو وه‌ل ئيران وه‌ليا بدێ له‌باره‌ێ به‌رنامه باليستيه‌گه‌ى و سياسه‌ته هه‌رێميه‌گه‌ێ ئه‌را ده‌سه‌وه‌ركردن سه‌قامگيرى فراوانتر له خوه‌رهه‌ڵات ناوين.
جى باسه، ستيف منوشين وه‌زير خه‌زانه‌ێ ئه‌مريكييش پيشبينى ئه‌وه كرد ك سزايه‌يل تازه‌يگ له‌بان ته‌هران بچه‌سپيه‌ێد له‌وه ئه‌وه‌گ ئيران پابه‌ند وه ريككه‌فتنه‌گه نيه.
