ئه‌مريكا داوه‌زين نه‌فت وه وه‌ختى تاريف كرد و باس له وسانن نه‌فت سعوديه ئه‌كا
2020-04-21T09:58:20+00:00
شه‌فه‌ق نيوز/ دۆناڵد تره‌مپ سه‌رۆك ئه‌مريكا، ئى داوزين مێژووييه له نرخ نه‌فت وه وه‌ختى تاريف كرد له ئه‌نجام فشاره‌يل دارايى و باس له‌وه‌يش كرد ك ئداره‌گه‌ى شيه‌وكردنيگ ئه‌را وسانن هه‌نارده‌يل نه‌فت له سعوديه‌وه ئه‌كا.
تره‌مپ له كۆنگره‌يگ رووژنامه‌گه‌رى ئه‌وه ده‌رخست ك ئداره‌گه‌ى خوازياريشه ئاست خه‌زنكرياێ نه‌فت خام ئه‌را حاڵه‌ته‌يل له‌ناكاو له وڵاته‌گه‌ى زياى بكا وه‌ل داوه‌زين نرخه‌يل.
جى باسه، يه‌يش له‌وه‌ختيگه نرخ نه‌فت خام ئه‌مريكى ئه‌را يه‌كه‌مجاره داوه‌زين فريه‌يگ وه‌خوه‌يه‌و دى له‌مێژوو وه كه‌مبوين 37،63 دۆلار ئه‌را هه‌ر به‌رميليگ وه‌ل زيايبوين حاڵه‌ت فرووشتن.
