ئه‌مريكا ئه‌نجامده‌ر كوشتاره‌گه‌ێ ميانمار ده‌سنيشان كرد
2017-12-16T08:57:00+00:00
شه‌فه‌ق نيوز/ ريكس تيلرسۆن وه‌زير خارجيه‌ى ئه‌مريكى، ئه‌وه ده‌رخست ك وڵاته‌يل يه‌كگرتگ ئه‌و كابراێ تومه‌تباره ده‌سنيشان كردگه ك په‌لامار دڕندانه ئه‌را بان موسڵمانه‌يل رۆهينغا له ميانمار ئه‌نجام داو سزايش له‌بانى چه‌سپنريه‌ێد.
تيلرسۆن ئه‌را رووژنامه‌نويسه‌يل له نه‌ته‌وه‌يل يه‌كگرتگ وت: وه‌رده‌وامى ئه‌يه‌يمنه خوه‌نينه‌وه‌ى گشت روێداگه‌يليگ ك بوينه‌سه هووكار كووچكردن شماره‌ى فريه‌يگ له مه‌ردم ميانمار و هه‌ر وه‌و خاتريشه ده‌سنيشان كابرايم كرديمنه‌و په‌يجورييش وه‌ل كه‌سه‌يل تريش ئه‌كه‌يم.
جى باسه، له كوتايى مانگ ئاب گوزه‌يشت نزيكه‌ى 600 هه‌زار كه‌س له رۆهينغا له ناوچه‌يل خوه‌يان كووچ كردن وه‌ره‌و باشوور به‌نگلاديش له‌وه‌ر ئه‌و په‌لاماره‌يل دڕندانه ك دژيان ئه‌نجام دريا.
