ئسرائيل ئامێريگ دروسكردگه له ماوه‌ى يه‌ك ده‌قه ئاشكراى كۆرۆنا ئه‌كا
شه‌فه‌ق نيوز/ زانايه‌يل ئسرائيلى ره‌سينه ريگه‌ى تازه‌يگ ئه‌را تاقيكردنه‌وه‌ى ڤايرۆس كۆرۆنا له كه‌متر له يه‌ك ده‌قه، ئه‌ويش وه‌گووره‌ى ئه‌وه‌گ رووژنامه‌ى "جيروزالم پۆست" باس له‌لى كرد.
ئه‌نجومه‌ن وه‌پياچگنه‌وه‌ى ده‌زگايه‌يل ناسرياێ له ليژنه‌ى "هلسنگى" ك ليژنه‌يگ ناوده‌وڵه‌تى و وه‌رپرسه له‌بان تاقيكردنه‌وه‌ى ده‌رمانه‌يل، ره‌زامه‌نى خوه‌ى ده‌رخست له‌بان تاقيكردنه‌وه‌ى ئى ريگه‌ى تازه.
ئى ريگه‌ى تازه‌يشه پشت وه‌و ئامێره ئه‌وه‌سێد ك له‌لايه‌ن كۆمپانيايه‌يل "نيكست غين" و"سيانتيك ميديكال" ئسرائيلييه‌و دروس كريانه، ك هاوشيوه‌ى ئامێر هه‌ناسه‌داين ك پۆليس وه‌كارى ئه‌يه‌رێد ئه‌را ده‌رخستن ريژه‌ى كحول له خوين ك له‌رێ يه‌ك هه‌ناسه‌دان ئامێره‌گه ئاشكراى ئه‌كا ئه‌و كه‌سه تويش بويه وه ڤايرۆس كۆرۆنا يا نه، ك يه‌يش تاقيكردن تازه‌يگ و ئاسانه ئه‌را ڤايرۆس.
