ئداره‌ى ترامپ خوه‌نينه‌وه‌ ئه‌را كووچكه‌ره‌يل ئه‌كا

شه‌فه‌ق نيوز/ ره‌شنويسه‌يل دو ياداشت ئه‌وه‌ ده‌رخستن ك ئداره‌ى دۆناڵد ترامپ سه‌رۆك ئه‌مريكى خوازيار ده‌ركردن رينمايه‌يليگه‌ ئه‌را وه‌رپرسه‌يل كووچ تا چينه‌يل كووچبه‌ره‌يل وه‌و شيوه‌ فراوانتر ك ئامانجيان له‌ليان ته‌رحيلكردنه‌.

له‌ى باوه‌ته‌و، دو سه‌رچه‌وه‌ى ئاگادار له‌بان ئى پلانه‌يله‌ ئه‌را ئاژانس "روێته‌رز" باس له‌وه‌ كردن ك جون كيلى وه‌زير ئاسايش ناوخوه‌يى ره‌زامه‌نى ده‌رخستگه‌ له‌بان ئه‌و هه‌ردوگ وه‌سيقه‌، وه‌لێ هيمان خوه‌نينه‌وه‌ى كووتايى ئه‌راى ئه‌كريه‌ێد له‌لايه‌ن ماڵ چه‌ر‌مگ و پيشبينى يه‌يش ئه‌كريه‌ێد ئى هه‌فته‌ بڵاويان بكريه‌ێد.

جى باسه‌، وه‌گووره‌ى ئى فه‌رمانه‌يليشه‌ سه‌دان هه‌زار كووچكه‌ر تويش ته‌رحيل گورج هاتنه‌و له‌ناونيانيش كه‌سه‌يليگ ئه‌وله‌ويه‌ت زويتر ديرێد له‌ سه‌رده‌م باراك ئۆباما سه‌رۆك وه‌رين ئه‌مريكى.