ئداره‌ى ترامپ خوازياره ئخوان موسلمين بخاده ليست ترۆر
شه‌فه‌ق نيوز/ وه‌رپرسه‌يل ئه‌مريكى و كه‌سه‌يليگ نزيك له تيم دۆناڵد ترامپ سه‌رۆك ئه‌مريكى باس له‌وه كردن ك تاوتويكردن وه‌رده‌وامه‌له ئداره‌ى ترامپ ئه‌را ئه‌وه‌گ وڵاته‌يل يه‌كگرتگ ئاشكراى جه‌ماعه‌ت ئخوان موسلمين جوور ريكخرياگيگ ترۆريستى بكاو بخاده‌ى ژير سزايه‌يل ئه‌مريكى.
له‌ى باوه‌ته‌و، سه‌رچه‌وه‌يليگيش باس له‌وه كردن ك فه‌سيليگ وه سه‌رۆكايه‌تى مايكڵ فلين راوێژكار ئاسايش نه‌ته‌وه‌يى ئه‌را ترامپ مه‌يل ئه‌وه ديرێد جه‌ماعه‌ت ئخوان بخه‌نه ليست هه‌ردوگ وزاره‌ت خارجيه‌و خه‌زانه‌ى ئه‌مريكى ئه‌را ريكخرياگه‌يل ترۆريستى بيگانه‌يل.
جى باسه، تيم فلين هه‌ميش وت: هيمان ئاشكرا نيه ك ئه‌و جه‌ماعه‌ت ئخوانه كه‌ى له‌لايه‌ن ئداره‌ى ئه‌مريكيه‌و بڕيار له‌بانى ئه‌دريه‌ێد جوور ريكخرياگيگ ترۆريستى و بخريه‌ێده ليست ترۆر، ك ئى مه‌سه‌له هه‌وه‌جه وه تاوتويكردن ديرێد.
