ئاگر و ته‌قينه‌وه‌يل گه‌ورايگ له‌ناو جبه‌خانه‌يگ سه‌ربازێ له توركيا روێدا
2017-07-13T09:45:00+00:00
شه‌فه‌ق نيوز/ ئاگركه‌فتنه‌وه‌ێ گه‌ورايگ له‌ناو جبه‌خانه‌يگ زه‌خيره‌ێ سه‌ربازێ سوپاێ توركى روێدا له‌بان ڕى ناوده‌وڵه‌تى ناونى هه‌ردوگ شار كيليس له‌بان مه‌رزه‌يل سوورێ و غازى عه‌نتاب.
له‌ئاكام كه‌فتنه‌وه‌ێ ئه‌و ئاگر گه‌ورايشه زه‌خيره‌ێ فريه‌يگيش ته‌قينه‌وه‌و ده‌نگ ته‌قينه‌وه له ناوچه‌گه به‌رزه‌و بوێ و هيمان تائيسه‌يش هووكار ئه‌و روێداگه ئاشكرا نيه.
جى باسه، ده‌سڵاته‌يل توركييش له‌لايه‌ن خوه‌يانه‌و ده‌سكردنه به‌سانن ڕى ناوده‌وڵه‌تى له‌وه‌ر گه‌ورايى قه‌واره‌ێ ئه‌و ئاگره ك كه‌فته‌و له‌ناو ئه‌و جبه‌خانه‌ێ سه‌ربازيه‌و هيمان تائيسه‌يش تيمه‌يل ئاگركوشنه‌وه كار ئه‌كه‌ن ئه‌را كوشاننه‌وه‌و ڕيگرتن له بڵاوبوينه‌وه‌ى، ك يه‌يش هه‌وه‌جه وه وه‌خت ديرێد.
