ئاسايش توركى 62 گومانليكرياێ وه ئنتما ئه‌را داعش ده‌سگير كرد
2017-12-02T09:46:00+00:00
شه‌فه‌ق نيوز/ هيزه‌يل ئاسايش توركى تويه‌نستن 62 گومانليكرياێ وه ئنتما ئه‌را ريكخرياگ ترۆريستى داعش ده‌سگير بكه‌ن له ناوچه‌يل جياجياى شار ئه‌سته‌مبوڵ.
له‌ى باوه‌ته‌و، سه‌رچه‌وه‌يل ئاسايشى له زووان هووكاره‌يل ره‌سانن توركى، وتن: تيمه‌يل ئاسايش وه گووره‌ى ده‌سكه‌فتن زانيارى 62 گومانليكرياى له 8 ناوچه‌ى سه‌ر وه ئه‌سته‌نبوڵ ده‌سگير كردنه ك ره‌گه‌زنامه‌ى جياجيا هه‌ڵگرتنه.
جى باسه، هه‌مان سه‌رچه‌وه‌يل باس له‌وه‌يش كردن ك تيمه‌يل ئاسايش توركى بڕيگ له ئامێره‌يل شماره‌يى و بڕيگ به‌ڵگه‌ى ئه‌و ريكخرياگ ترۆريستييشه دينه‌سه‌و ك هيمان ئاشكراى ناوه‌ڕوكيان نه‌كرياگه.
