5.7 پلە.. زەویلەرزەیگ دەێد لە كامتشاتكای رووسیا

شەفەق نيوز/ ناوەند جیوفیزیک لە ئاکادیمیای زانستەیل رووسی لە نیمچە دوورگەی كامتشاتكا خوەرهەڵات رووسیا، شەوەکی ئمڕوو چوارشەممە، توومارکردن زەویلەرزەیگ وەتونی 5.7 پلە لەبان پەیمانەی ریختەر لە هەرێمەگە راگەیان.

دیاری کرد کە سەنتەر زەویلەرزەگە لە قویلایی 82.3 كم، وەدویری 342 كم لە شار بتروبافلوفسك-كامتشاتسكی، و تا ئیسە زانیاری زیاتر نەڕەسیە کە ئایا دانیشتگەیل لە لەرەزەگە ئاگادار بوینە یا نە.

وەرجەیە، وەڕیەوبەر لقەگە دانيلا تشيبروف ئەرا ئاژانس"نوفوستی" ئاگادار کرد کە لەرزەیل تەکانی تونیگ بوود، وەلێ ویرانکەر نیین، دویای ئەو زەویلەرزەی ویرانکەرە کە وەرجە هەفتەیگ داد لە كامتشاتكا.

لە 30 تەمووز گوزەشتە، تونترین زەویلەرزە لە ساڵ 1952ەو وە 8.8 پلە داد لە دوورگەی كامتشاتكای رووسیا، و تسونامی لەلی بویەو.