45 سه‌رباز له هيزه‌يل تايبه‌ت توركى كوشيان
2018-05-21T18:47:00+00:00
شه‌فه‌ق نيوز/ ناوه‌ند ره‌سانن سه‌ر وه هيزه‌يل وه‌رگرى مه‌ردمى، ئاشكراى كوشيان 45 سه‌رباز كرد له هيزه‌يل تايبه‌ت توركى، ئه‌ويش له كرده‌وه‌يگ سه‌ربازى ك له‌لايه‌ن هيزه‌يل وه‌رگرييه‌و ئه‌نجام دريا.
ناوه‌نده‌گه له به‌ياننامه‌يگ ك شه‌فه‌ق نيوز ئاگادارى بوى، وت: له 20 ئايار ئى مانگه هيزه‌يل وه‌رگرى مه‌ردمى كرده‌وه‌يگ سه‌ربازى دژ داگيركار توركى ئه‌نجام دانه له شار كۆربولاك له ناحيه‌ى بايه‌زيد له ئاكرێ وه‌ناو هه‌ڵمه‌ت سه‌ركه‌فتن.
ناوه‌نده‌گه هه‌ميش وت: له‌و كرده‌وه‌ى سه‌ربازيه سه‌ياره‌ى گه‌ورايگ بوردمان كرياگه‌و وه ته‌مامى ويران كرياگه‌و دوياى ئه‌وه‌يش ده‌ركه‌فتگه 45 سه‌رباز له هيزه‌يل تايبه‌ت توركى له ناوى بوينه‌و كوشيانه.
