28 کەس لە فلیپین بونە قوربانی وە مدوو پلیان پاسیگ لەبان کویەیگ
2023-12-06T08:31:09+00:00
شەفەق نیوز/ لەبان بەرزی کویەیگ لەفلیپین پاسیگ پلیەێد و وەخوارکەفێد لە ئەنجام 17 کەس مرن و 11 کەسیش زەخمداربوین.
ئاژانس خەوەری فرانس پرێس راگەیان، رویداوەگە لە شار هامتیگ لە کەرت ئانتیک رویدایە، مەوقەیگ پاسەگە رەسیەس ئەرا لویتکەی کویەگە بریک ماشینەگە لەکارکەفتیە و وەخوارکەفتیە یەیش بویەسە مدوو ئەوەگ شمارەی قوربانیەیل زیاتر بوود.
فلیپین یەکیگە لەو وڵاتەیلە فرەترین رویداو هاتوچو لەناوی رویدەێد، هووکارەگەییش پەیوەنی وە خەراوی ریوبان پابەن نەوین رانندەیل وە رینمایەیل هاتوچو دیرێد.
