173 ترۆريست هه‌ڕه‌شه له ئۆرپا ئه‌كه‌ن
شه‌فه‌ق نيوز/ پۆليس ناوده‌وڵه‌تى"ئه‌نته‌رپوڵ"ئاشكراێ ليستيگ وه‌ناو 137 ترۆريست سه‌ر وه داعش كرد ك گومان ئه‌كريه‌ێد مه‌شق ئه‌را جيوه‌جيكردن په‌لاماره‌يل كردنه له ئۆرپا، ئه‌ويش له‌وه‌ر ئنتقامكردن له‌و واينه ك هاته‌سه تويش ريكخرياگ داعش له خوه‌رهه‌ڵات ناوين.
له‌ى باوه‌ته‌و، رووژنامه‌ێ غارديان بريتانى وت: ئه‌نته‌رپوڵ بڕيگ زانيارى كه‌فته ده‌سى ك له‌لايه‌ن هه‌واڵگرێ ئه‌مريكيه‌و له عراق و سوريا جه‌مه‌و كريانه و يه‌يش ده‌سميه‌تى داگه ئه‌را دياريكردن ناو ده‌يان گومانليكرياێ ك پلان دانانه ئه‌را ئه‌نجامداين په‌لامار له ئۆرپا.
جى باسه، شماره‌يگ له ده‌وڵه‌ته‌يل ئۆرپى باوه‌ڕيان ئه‌وه‌سه ك وه‌ل شكه‌ست داعش له عراق و سوريا مه‌ترسى ئه‌نجامداين په‌لاماره‌يل ترۆريستى له ئۆرپا زياێ بويه وه‌تايبه‌ت وه‌ل گله‌وخواردن تونڕه‌وه‌يل ئورۆپى له ناوچه‌يل جى كيشمه‌كيش له خوه‌رهه‌ڵات ناوين ئه‌را وڵاته‌يل خوه‌يان.
