100 جه‌زايرى له ريكخرياگ داعش چالاكى ئه‌نجام ئه‌يه‌ن
2016-12-15T17:49:00+00:00
شه‌فه‌ق نيوز/ محه‌مه‌د عيسا وه‌زير كاروبار ئايينى و ئه‌وقاف جه‌زايرى ئه‌وه ده‌رخست ك 100 جه‌زايرى له‌ناو ريكخرياگ ترۆريستى داعش چالاكى ئه‌نجام ئه‌يه‌ن.
محه‌مه‌د عيسا له لێدوانيگ رووژنامه‌گه‌رى ئه‌را به‌وابه‌ى ئه‌لشرووق ك(شه‌فه‌ق نيوز)ئاگادارى بوى، وت: شانه‌يل خه‌فتگ و ماڵپه‌ڕه‌يل په‌يوه‌ندى كۆمه‌ڵايه‌تى ته‌نيا وه‌سيله‌يگن ك ريكخرياگ ترۆريستى داعش له‌ڕييانه‌و كه‌سه‌يليگ بووه‌ێده ناو ڕزه‌يلى.
جى باسه، وه‌زير كاروبار ئايينى و ئه‌وقاف جه‌زايرى هه‌ميش وت: هيمان تائيسه‌يش مزگفته‌يل وڵاته‌گه مقه‌يه‌تيكرياگه دژ هه‌ر فكره‌يگ تونڕه‌وى.
