لە بەریتانیا.. ئاشکراکردن کوشتاریگ وەلایەن مردنەیل بخوەر گووشت ئایەم
2024-12-16T12:04:12+00:00
شەفەق نیوز/ تاقیکردن و وەشکین وەلایەن زانایەیل زانکۆی "ئەكسفۆرد" بەریتانیر بەڵگە لەبان کوشتاریگ کەفتە دەسیان کە پەیوەندی وە بخوەرەیل گووشت ئایەم لە سەردەمەیل وەرجە میژوز دیرن.
زانایەیل ئاسەواری وتن؛ بڕیگ سوخان ئایەم، کە وەرجە ٥٠ ساڵ لەناو چاڵ سۆمرێست پەیا کریان بەڵگە لەبان تونترین کوشتارە لە سەردەم وەرجە میژوو بەریتانیا، و خواردن گووشت ئایەم لە سەردەم برۆنزی.
وەگورەی رووژنامەی گاردیان بەریتانی، بڕیک کەس لە وەختیگ ناوەین 2200 و2000 وەرجە زایینی کوشیانە، و تەرمیان خریاسە بن چاڵ قویلیگ لە چارترهاوس وارين، نزیک دوڕیان ئاوی شيدر.
ئی کوشتارە وە بەرزترین شیوەیگ تونەڕەوی لە بەریتانیا لە سەردەم برۆنزی دریەێدە قەڵەم، وەگورەی قسەی لريك شولتينغ، نویسەر سەرەکی و مامووستای زانست ئاسەواری و وەرجە میژوو بە زانکۆی ئەکسفورد.
