رووسێەیل لە گوزەشتە چوین وەلیفەت لە وەفر وارین ئەرا سەرکەفتن وەرگردنە؟

شەفەق نیوز/ لە ساڵ 1812 سوپا وەهێزەگەی ناپۆلیۆن وە مدوو وەفر وارین وەرانوەر وە رووسەیل شکست هاوردن، لە ساڵ1810 ژنڕاڵ روس (لیڤاندرۆڤ باگراتیۆن) سەردان فەرەنسا کرد ئەرا ئاهەنگ لەداڵگبوین  ناپلیۆن، لەی ئاهەنگە  باگراتیۆن خوەی کردە هاوڕێ ناپلیۆن و خەڵەتانێ وەبی ئەوەگ خوەی هەس وەپی بکەێد خەڵەتیاگە، دویای پەلامار رووسیەیل دا و ناپۆلیۆنیش تواس رووس وەتەواوەتی لەناو بوەێد.

جەنگ لە سەرەتای زمسان ساڵ 1812دەس وەپیکرد، سوپاگەی ناپۆلیۆن سەرەتا 600 هەزار سەرباز داشتوە هاز قایمیگ چگە ناو رووسیا.

 باوجی روسیەیل لەجیای ئەوەگ لە جەنیگ ئاشکرا رویوەڕوی ناپۆلیۆن و سوپاگەی بوون، پاشەکشەکردن وەرەو ناو وڵات خوەیان و شارۆچکەیلیان، وەگەرد یەیش وەفریگ فرە لە مۆسکۆ باری بوی، گشت هەوەجەیل جەنگ و خواردنەیلیان خوەیان سزانن، لە ناوەڕاس زمسان ئەو سەربازەیلە دڵنگ زمسانە نەیاشتن لە سەردی رەقیانەوبرد مردن، لەوەر نەبوین خواردن بڕیگ فرەیان پاشەکشەکردن، یەیش بویە مدوو ئەوەگ لە  600هەزار سەرباز تەنیا 20 هەزار لە جەنگ مەنن، وەگەرد یەیش ناپۆلیۆن مۆسکۆ داگیر کرد ، باوجی درویژە نەکیشا وە مدوو ئەوەگ مۆسکۆ ئاگر گەپیگ گرد و سەردی فرەیگ ناوچەگە گردبوی، ناچار بوی رووسیا وەجی بیلێد و سرنەکەفێد.