برێ لە گوارەیل (پەن پێشینە) کوردەواری
شەفەق نيوز/ گوارە یەکیگە لە بەشیەل ئەدەب فلکۆر، لە چەن وشەیگ دروس کریاگە، ک شیوەی رەنگین و قایمێگ لەشان یەکترەو رز کریانە، ئی وشەیل کوڵبڕە مانایل گەپێگ وەپیمان دەن.
بنچەک ئێ قسەیلە چگن ئەرا ئۆ پیاو و ژنەێلە ، قسەزان دونیا دیدە و فرەزان بۊینە ئی گوارەیلە دروس کردنە و بۊیەسە قسەی بان زوان مەردم پشتاوشت و دەماودەم ئەرا ئیمە وەجی مەنییە و چاشیمنەسێ.
یانە چەن نمونەیەگ کەمن لەو گوارەیلە :
1- ئەر کور خاسێگە وەر خوەی لە ئاو دەرارێ.
( ئێ قسە ئەرا کەسێگ وەکاری تیاریمن ک خوەی نیشان دەێد توان جی وەجی کردن کاریگ دیرێد ئەرا یەکی هەنای ئەرا خوی توان ئەنجام داین کارێگی نییە.)
2ـ ئەر تە یەک مەنی من سەد مەنم.
( وەراوەر وە کەسێگ وەکار تێد خوەێ وەپی فرەزان بوود)
3ـ ئه‌را چاڵ پای بنارم؟
(ئی قسێ یە واتەیەگی وەک ئیە هالە پشتی، ئەرا من رێگری لە وەرەو ئەنوا چگن تو کردمە .) 4ـ ئاگر پشكوول چای داخ نێکێگ.
(ئێ قسێ ئۊشریەدە کەسێگ هویچ سوودیگ لەلی نییە)
5ـ ئاويگ رشيا گرده و نيه‌و .
(ئی قسێ یە ئەرا کارێگ یا قسێیەگ ک کریایە و پەشیمان بیدە لە لی وەکارتێد.)
6ـ قورواق وه قیڕه قه‌ۊی نادێ.
(ئەرا ئەو کەسەێلە ئۊیشریەد لە خوایانە وە قسەیل گەپ گەوەرە دەرئەکەفن)
7ـ یه‌ک پێ وه یه‌ک رۆژ ، دوو پێ وه دوو رۆژ.
(گشت چشتێ وە گورەی خوەی وەخت خوازێد تا جی وەجی بکریەد)
8ـ ئارد لە دز وە قەرز بەێد.
(ئوشریەد وە کەسێک بخوازێە قەرت لە کەسێگ بکەێد ک خوەی هویچ نەیرێد)
9ـ ئه‌ر كه‌له‌شير نه‌قولنێ دي رووژه نيه‌و؟
(کەسیک لە کارەیلیەیلی بەهانە ئەتێرد و جی وەجیان ناکەێد)
10- ئاش هەزار کەیوانوو یا سوورە یان بی خوا.
(هەر چشتێگ یان کارێک لە یەک کەس فرەتر دەسکاری بکەێد لە ئەنجامی خەراوە ).
