باسیگ لە نەمروود و سەمیر ئەمیس شاژن.. و زانایل ئاسەواری هەڵە خاسەو کەن

باسیگ لە نەمروود و سەمیر ئەمیس شاژن.. و زانایل ئاسەواری هەڵە خاسەو کەن
2023-03-01T06:46:23+00:00
شەفەق نیوز/ سایت "زا باست" بەریتانی ک تایبەتە وە خەوەرەیل میژوو و ئاسەواری، رووشنایی خستە بان کارەیل مینەکردن و کوڵەوشکی لە شار نەمروود کوینە نزیک مووسڵ، ک ئومید هەس چشتەیلیگ زیاتر لەباوەت شاژن سەمیر ئەمیس پەیا بکەن.

سایتە بەریتانیەگە وت: لە ساڵەیل چلەگان لە سەدەی ١٩، زانای ئاسەواری بەریتانی ئۆستن هينری لایلرد توەنست لە شار نەمروود چاڵ وە مینەکردن کۆشک شاه ئاشوری ئەداد نیراری سێەم بکەنێد ک لە ساڵ ٨١٠ تا ٧٨٣ وەرجە زایینی شاه بوی.

ئەو راپۆرتە ک ئاژانس شەفەق نیوز ئەڵگەردانی کرد نشان دەێد ک ئەو کۆشکەیل ئاشووری لە شیوەی ئەندازیاری و بەشەوکردنیان یەکیگ بوین، وەلێ ئەو کارەیل چاڵکەنین وەلایەن لایارد زانا لە دەسنویسەیلی ئاسایی نەوین.

وتیش: لەسای نەڕەسین ئەرا ئەو بەشەیل کۆشکەگە ک کەفتیەسە ژیر دوو مەتر لە رمیاگ، پرسیار لە نەخشەی ئی بینا دروس بوی، ک وەڵامی نەوی.

لەی باوەتە، راپۆرتەگە وت: لە دویاترین گام، زانایلیگ لە موزەخانەی بەنسلفانیا دەسمیەتی زانایل ئاسەواری عراقی دان ئەرا وەشکین لە شوینەگەی نەمروود، ک لە سەدەی هەفتەم وەرجە زایینی بابلیەکان تاڵانی کردن، ئیجا لە ساڵ ٢٠١٦ ریخریاگ داعش وەخراوەکاری کردەی ئامانج.

راپۆرتەگە لە زوان مایکل دانتی وەڕیەوبەر بەرنامەی مقیەتیکردن کەلەپوور عراقی لە بەنسلفانیا وت: ئەڵاجەویە ک دەرفەت ئاشکراکردن ئی چەوچەیل ئاسەواریە وە کوڵەوشکی لە شوینەیل نوویگ لە ناوچەی نەمروود و سەنگەرەیل زانایل وەشکین لە سەردەم ڤیکتۆری بکەفێدە دەس، وتیش: هەڵەیل وەرین وەلایەن زانایل بەڵگەکردن و بڵاوکردن چشتەیل پەیاکریاگ لەناو کۆشکەگە، لە ماوەی ١٠٧ ساڵ گوزەشتە کەڵەکە بوی.

دانتی دیاری کرد ک ئەو پەیاکردنەیلە جویر روخسار ئاسایی کۆشک ئاشووری ک ئەرا رسوومەیل ئاینی وەکار هاوریاد، ئاشکرا کەن ک لایارد زانای بەریتانی کەفتە هەڵە، و کۆشک شاه ئەداد نیراری جویر کۆشک شاهەیل وەرجە خوەی بویە.

راپۆرتەگە هەمیش دیاری کرد ک ئەو چشتەیلە ک پەیا کریانە جویر گوڵدان گەورەیگ و پایەی ستونیگ و تاجیگ، وەگەرد سەندوقیگ سەنگی نەخشە هابانی، و چشتەیلیگ لە عاج و تووکڵ خای نەعام کڕ و نەخشە لەقەیان کریاگە.

راپۆرتەگە وتیش هاتێ ئەو کۆشکە شوینیگ داکاسیان شاژن سەمورئەمات بویە، ک دویای ئەوە وە ناو سەمیر ئەمیس ناودیار بوی، ک داڵگ شاه ئەداد نیراریە، ک وەتن لە جەنگەیل سەربازی یاوەر کوڕەگەی بویە.

راپۆرتەگە هەمیش دیاری کرد ک وەگەرد وەردەوامی چاڵکەنین ئیسە، ئومید ئەوەسە ک بەڵگەیلیگ زیاتر لەبان ئی شاژنە پەیا بوود.

وتیش: چاڵکەنین ئیسە وە هاوکاری زانایل ئاسەواری لە موزەخانەی بین و زانکۆی بیزا وەڕیەو چوود، ئەرا ئاشکراکردن ناوچەی لەجەس لە وڵات ناوبەین دوو چەم، ئەوەیش لە باشوور عراق، ک وەرجە سێەم هەزار وەرجە زایینی شار گەورەیگ بویە، و زانایل ئاسەواری رەسینە  پەیاکردن ٧ تەنویر خەڕگین، و پارچەیل فرەیگ لە سیرامیک و ری و کویچەیلیگ و دوو ماڵ.

 راپۆرتەگە لە کۆتایی وت: لەناو کارکردن تیمەگە چیشتەخانەی گەورەیگ پەیا کریا، و شوینیگ ئەرا  خواردن لە شوین وازیگ، وتیش: ئەو شوینە ک جویر چیشتەخانەس میژووی ئەرا ساڵ ٢٧٠٠ وەرجە زایینی جوودەو،  ک کورسی و یەخچاڵ و فڕن هاناوی، هەمیش زانایل جیماگەیل خوەراک پەیا کردن، ک شیوەیگ لە ژیان رووژانەی خەڵک لەگەش نشان دەێد.

ئەڵگەردان: ئاژانس شەفەق نیوز

Shafaq Live
Shafaq Live