یه‌ك چه‌وه‌رێ
2015-05-02T13:19:14+00:00
نه خوه‌مان و دڵسووزه‌یلمان
هویره‌یلیش لانه‌ویزن
مناڵدان زوانمان مه‌زۆك بیه، زانن ئه‌را؟!
ئاواز گوڵ سوو له پا كه‌فتیه؟
زایه‌ڵه‌ى شه‌فه‌ق بیده‌نگ بیه
گشت خوه‌شیه‌یلمان وه‌ر شه‌واره كه‌فتیه
له نیم رووژ داخ به‌غدا
له بان ساج سیاسه‌ت
بیكه‌سیمان برژنن
كه‌س هه‌واڵ مه‌ردمه‌یل زینگ پووش په‌خشه‌و ناكا
ماڵ كورد سیه پووش كه‌ن
ئومیده‌یل بى ده‌سوپا خه‌نه ناو به‌زم ئاگر
مه‌ردم به‌خیل په‌ره‌ست شاكامى به‌ن
له‌ى غروب غیره‌ت كوشه
هاوفكره‌یل شاروه‌ده‌رمان
یه‌ك چه‌وه‌رێ ئه‌ڵگرتنه ، زانن ئه‌را؟!
تا هه‌م له نوو بایمنه‌و زوان
ئه‌راى هاو زوان بى زوان!!
