کورد و کەپوو

خەوەر نەیری

لە قەندیل سزیا بەڕوی،  تەنیا باوانم

لە خانەقی هشکیا ئەڵوەن سرمەی چاوانم

داگیرکەر

لە خوەرئاوا تا خوەرهەڵات

خوینم ڕشنی  و

بەش کەی نۆقڵ و نەوات

کەپوو!

کرماشان، فارس بازاڕە

دیاربەکر، تۆرک وە خارە

قامیشلی، سەرنوشت نادیارە!؟

کەپوو دیارە تنیش چوی منی

بێ وڵات و ئاڵا

لە سایەی دژمنی

وەیلان و ئاوارە

چوی دەرویشەنی

چمان وەل  کوردا

هام خیشەنی!؟

کەپوو تەمەناسە

بەو بچوو، مەو وە میلکانم

تا ئاڵا هەڵنەیام لە کوردستانم