چه‌وه‌ڕيد كه‌م

شه‌رته‌ منيش له‌شووند سه‌رم ئه‌ڵگرم و بچم

بوومه‌ په‌ن زه‌مانه‌و بيلمه‌جی خيش و باوان

مه‌گه‌ر ت خوه‌د نيه‌زانيد ژيانم وه‌خوه‌د به‌نه‌

ئه‌را دڵ له‌ليم نايد و بيده‌نگ كووڵد دايده‌ شان ؟

ئه‌و تيره‌ ك له‌ناكاو بی به‌زه‌يی  وه‌شانيد

زوی له‌كه‌وان ده‌ر‌چی و هات دڵم گرته‌ نيشان

خوزيه‌و بزانم تاكه‌ی ناهمی و سيه‌چاره‌م

يا به‌خت له‌ليم بيزاره‌ ياگه‌ر ئشق بويه‌سه‌ گومان

جوير كه‌مووته‌ر له‌ناكاو باڵ په‌روازم شكيا

له‌ ژويه‌ر ئه‌ور سيه‌وه‌ كه‌فتمه‌ خواره‌و له‌ئاسمان

دی دڵ وه‌كی خوه‌ش بكه‌م كی تيه‌ی دڵم بلاونی ؟

ئيسه‌ خودا له‌پشتد چه‌وه‌ڕيد كه‌م له‌ بانان