«چه‌و سییه»
سورمه له چاو خوه‌د نه‌یه، ئه‌و چه‌وه بی‌‌سورمه سیه‌‌س
ئه‌ر دوینـــی بیمـــــار تونـــم، سوومـــــای چه‌وه‌یلد کردیه
یـــه ره‌نگ لیوه‌یـــل خوه‌ده، یا قرمــــزی پــــه‌ڕه‌ی گوڵـه؟
ئی لیوه‌یــــل هوشک منــــــه، تاســـــه‌ی لیوه‌یلـد کردیه
زه‌ڕه‌د شیرینه چه‌و سییــه، دی کـــــه‌م وه نازه‌و رێ بکه
باوه‌ڕ که لار و له‌نجه‌گـــــه‌د، گه‌ن جــــووری شیتم کردیه
بنـويڕ تو وه‌ی حاڵ منــــه، نه‌وشی وه باده سه‌رخوه‌شم!
بووی جوفت شه‌مامه‌ی سینـه‌ده ئیجووره مه‌ستم کردیه
شــه‌و تا وه سوو هامـــه خه‌وه‌ر، نه‌یرم م ئـــارام و قه‌رار
گیس په‌ریشــان و سییـــه‌د، خه‌و لیم حه‌رامــــه‌و کردیه
وینــه‌د له ئی دونیا نییـــه، قبلــه‌ی مهـــر و وه‌فــــا تونی
هزار ره‌حمــــه‌ت وه ئه‌و که‌ســــه، ک تو په‌روه‌رده کردیه
له‌ناو ئی باخ پـــڕ گوڵــــــه، وه به‌ین ئی هه‌مگه شاگوڵه
چه‌بکـــه‌م دڵـــه بیچاره‌گــــه‌م، ته‌نیـــــا مه‌یل تـــو کردیه
