چه‌ن شێعر له «خسرو خسروی پور»
2015-09-20T15:32:07+00:00
2
تـه‌ك داێـه دلـــــم، زار و زه‌مينم زه‌ڕه ئمشه‌و
مـه‌س بـۊمـه‌و هـه‌وا گرتمه گێانم په‌ڕه ئمشه‌و
ده‌ر نــامــه ده ئــه‌و پـوسـتـه‌چي پـيـريـه داێم
تا جووش جوواني خه‌وه‌رێ چۊ خوه‌ره ئمشه‌و
گــوڵ هات‌و خه‌زاڵان ده په‌ڕه‌و گرتنه چووپي
ده‌ێ ده‌روه‌ن سه‌وزه ك شـريـن دڵـوه‌ره ئمشه‌و
عه‌سكێ وه چـه‌قـانـه‌و خـسـنـه ئــاگــرو ئسپه‌ن
به‌زمێ ده مه‌ی‌و مشك و گوڵ‌و عه‌نبه‌ره ئمشه‌و
خـه‌يـيـام زه‌مـانـه ده ده‌رۊنم بـــۊه بــێــدار
هه‌م ده‌م وه خه‌نيمه‌ت بۊه هه‌م مه‌حشه‌ره ئمشه‌و
