چه‌ن دانه چوار پاره
2010-05-02T12:12:15+00:00
* * *
دڵم شون زه‌خمه‌یل کۆنه...کوو ده‌وا
ئه‌سرم نیشانه‌ی ده‌رد ده‌روینه... کوو ده‌وا
ژار مار نه‌کوشتیه روح من!
دیوری یاره ده‌روینم خوینه ...کوو ده‌وا
* * *
سه‌ر نه‌م له بیاوان و ویڵ بووم له شونت
یه‌ی شه‌و من مرم و دیل بووم له شونت
ئه‌سر چه‌وم نه‌مه‌نیه دی ناڵه نه‌یرم
ئاواره و وه‌یلان خیڵ بووم له شونت
* * *
عاشقی ره‌سم فه‌رهاد بێ نسیبه مه‌ردم
ره‌سم مه‌جنوون زارو بێ حه‌بیبه مه‌ردم
دڵخوه‌شی نه‌یری ئی به‌زمه بزانن!
گرفتار نه‌که‌ین خوه‌تان فه‌ریبه مه‌ردم
