په‌يمان

په‌يمان
2010-03-02T07:47:40+00:00

،  تاقه‌ت زندان و ده‌س به‌ن نه‌يريم ؛ نيه‌توايم دی ئه‌سر چه‌و داڵگه‌يل و خوه‌شكه‌يل شه‌هيد بوينيم ، توايم له‌ی وڵاته‌ ئازاد و سه‌رفراز بژيه‌يم ، توايم زه‌ويه‌يل كشتوكاڵ و باخ و بوسانه‌يل خانه‌قين ومه‌نه‌لی و به‌دره‌و زورواتيه‌ ئاوه‌دانه‌و بكه‌يم ، توايم كه‌لاوه‌ ڕميايه‌گان و ديوه‌خانه‌گان بكه‌يمه‌ كوشكه‌يل يه‌كه‌وگردن كه‌سوكاره‌يلمان ، ئه‌را ئه‌وه‌گ ئی ئاواته‌يله‌ بانه‌ دی بايه‌د قه‌سه‌م بخوه‌يم ، ده‌نگمان بيه‌يمه‌ ليست هاوپه‌يمانی كوردستان

قه‌سه‌م وه‌خاك پاك كوردستانم !

قه‌سه‌م وه‌خوين ئه‌زيز شه‌هيدانم! قه‌سه‌م وه‌ئه‌سر چه‌و داڵگه‌يل و كزنيشتن پای ديواره‌يل باوگه‌يل شه‌هيدم ! قه‌سه‌م وه‌هه‌ناسه‌ی سوزناك برای شه‌هيده‌يل ، قه‌سه‌م وگيس ڕنياگ خوه‌شكه‌يل ! قه‌سه‌م وه‌ئه‌سر زوڵال چه‌و يه‌تيمه‌يل ، قه‌سه‌م وه‌په‌ت ئه‌و سيداره‌ ك جور ملوانك شه‌ره‌ف كريا مل له‌يلا قاسمم ! قه‌سه‌م وه‌گيان پاك شيره‌ كوڕه‌گه‌ی مه‌نه‌لی مولازم جوامير نه‌مرم ! قه‌سه‌م وه‌خوين گرانقه‌در پانزه‌ هه‌زار جوان وه‌بی كه‌س كوژياگ كورد فه‌يلیم ! قه‌سه‌م وه‌لاشه‌ی سوزياگ و هشكه‌وبردگ مناڵه‌ كورپه‌گان هه‌ڵبجه‌ی شه‌هيدم ! قه‌سه‌م وه‌هاوار ژن و مناڵه‌يل ئه‌نفال كرياگ و زينگ وه‌چاڵ كرياگم ! قه‌سه‌م وه‌ خوين پاك هه‌يشت هه‌زار شه‌هيد بارزانم ! قه‌سه‌م وه‌ داره‌ سه‌ربڕيايه‌گان گه‌رمه‌سێرم ! قه‌سه‌م وه‌ئاو هشكه‌وكرياگ ئه‌ڵوه‌نم ! قه‌سه‌م وه‌عه‌ره‌ق خوه‌ش بوو پێشمه‌رگه‌يل چه‌ونه‌ترس و فداكار كوردستانم ، ك ئمڕوو وتو ويڵه‌يل ناو كويچه‌و بازاڕه‌يل ، وه چه‌ته‌و ‌ميليشيا ناويان به‌ن ! ئيجاره‌ سه‌ندوقه‌يل ده‌نگ داين پڕكه‌يم له ‌ناو هاوپه‌يمانی كوردستان و ئه‌ڕا هه‌ميشه‌ ناو كورد وكوردستان له‌ی وڵات پڕ له‌ غه‌دره‌ به‌رزه‌و كه‌يم .

 

Shafaq Live
Shafaq Live