وەهارم چۊ زلەێ زمسانە بێ تو
![وەهارم چۊ زلەێ زمسانە بێ تو](https://media.shafaq.com/media/archive/files/Archive.jpg)
2016-09-04T22:42:56+00:00
تەمام عومر° م° بێ تو پەژارەس
تو نەۊدن مردنم فەرزە چمانێ
سیا بەختە شەوارم بێ هسارەس
شەوارم ئازیەت بارە ک بێ تو
پەژارە و شین و واوەیلاس کارم
م° بێ تو ئەور وشکێگم ک باێە
ئەگەر ک ئاو نەێرم، خۊن بوارم
من و تو جنسمان ئەسڵەن یەکێ نەۊ
جیایی بەێنمان قەێ بێستۊنە
تو هەفتا چینە پێشتد خان° شارن
م° سەد پێشتم عەشاێر زاێە بۊنە
تەمامێ کە من و تو جفت یەک نیم
ڕەفیق° یەک نیە بەخت° تو و من
تو چیند حەتمیە، پەس چەومە نەزرد
بچو تا خوەر دیارە، ڕێێد ڕوشن
پيام فرامرزی