کوردێگ فەیلی، خەڵات خاسترین شێعر کوردی مناڵانە گرت
2023-06-26T20:16:27+00:00
شەفەق‌نیوز/ شێعر زاڕووانەی "بزنەگورگ" ک مستەفا بەیگی وە نام‌نازاری "رودوس فەیلی" شاعر کورد فەیلی ئیلامی ئەڵوەسیەسەێ، بی وە خاسترین "بەش بنەماڵە"ی فستیواڵ شێعر شوناس.
چوارمین دەور ئی جەژنوارە ک ساڵ وە ساڵ لە لایەن وزارەت ئامووزێشت و پەروەرێشت ئێران دنرێ، دە شار کوردنشین کامیاران دە ئوستان کرماشان نریا.
ئی جەشنوارە وە نام "مێهراوە" دیاری کریاگە و ئمساڵ وە نام "شۆناس"یش ناسریا.
رودوس فەیلی، شاعر پەنجا و دو ساڵەی مێهرانی، ئەندام دەسەی بەڕێوەبەران جامێعەی کورد تێهرانە و بنەڕانەر جامێعەی ئیلامیەیل تێهران ک یە بانتر لە سی ساڵە دە رووژنامەوانی کوردی و شێعر و لێکوڵینەوە دە مل فەرهەنگ کوردەواری و رێزداری لە ژینوساید کوردەێل فەیلی، چلاکوانی دکەێ.
