چوار پارچە شیعر

زەڕەێ ها تنەو  وە گوڵەو نەیمە

وە لارەو  لەنجەێ بولبولەو نەیمە

زەڕەێ لە ت دیم مەگەر لە کانی

مەگەر لە گوڵەیل ناو چیمڵانی

بانان

خوەد کەم بشارەو لە ڕەگ و خۊنم 

سەر بکیش بنووڕ وە بێ تو  چۊنم

لە خەو لە خەیاڵ لە کۊچەو لە دەیشت

وە هەر جا نووڕم فەقەت تو دۊنم 

  "جەلال کووهی"

چەنێ  هۊر چەوەیل ت چەمانەم!

وڕاوەێ زڵفــــ هۊلد، داچەکانم!

خەیـاڵد ئاوه ڕۊتم کردو کەس نەی!

دیدە شێعر چەوەیلد چۊ سزانم؟!؟؟

جەلیل نیک نژاد

هە چـــــۊ جاران وە نازاری مەنیدە

لە جەرگم تیشە دەی قەورم کەنیدە

وە تــــەرتیف و بڵینی بێ ٸەنــازە

خـــەو شیرین وە چەو دنیا سەنیدە

زارا دەرویشی