گوڵم خارە
2024-06-13T08:10:39+00:00
گوڵم خارە و گوڵم خارە و گوڵم خار
گوڵم خـــــارە وە بێ‌دیـــــدار دڵدار
ئەگەر کردی وە بێ‌یار ت ژیان خوو
چ کەسبێگە، چ کـــــارێگە و چ بازار
ت نازاری ت چــــەوکاڵی وە مەولا
پەریزایە ، ت شمشـاڵی وە مەولا
ئەگەر بیلن بچیدە پاێ کیەنی کەو
فرشـــتەی بێ‌پەڕ و باڵی وە مەولا
چەوەیلد هـــەم بەنەم تا لای بهەیشتد
خەوەیلم بۊنە سەرگەردان لە دەیشتد
نەمەن دی بەر وە باخـــــانەو لە داخد
نەچوو دی بەو لە لامان دەر کە وەیشتد
ئەمین رەشیدی
