هه‌شار هه‌شاره

وتى خاوت وه خه‌ير بوو، دواى زمسان وه‌هاره

وتم دڵم فروتم، خاوت وه من حه‌رامه

وتي بچوو بسه‌نه‌ى، خه‌ڵه‌تيايته بى ‌چاره

وتم داخم كولانى، وه هووز كه‌س نه‌زانى

وتى ده‌نگت فلاَنى! دويرى سزاى ياره

وتم سه‌رم مه‌نه سه‌ر، هه‌سه‌ت چما نيه‌سه‌ره‌ت!

وتى ده‌نگت فره‌زان! چه‌بكه‌م چاره‌م ناچاره

وتم كه ها يادت، بازى مناڵيمان؟

وتى چه‌وت بنويقن، دونيا هه‌شار هه‌شاره

وتم من و چه‌وه‌يلت، هامباز و هاماڵيمن

وتى چه‌وم نه‌مه يه‌ك، بچوو دڵت بشاره

وتى يه‌ك و وتى دوو و وتى سى و... وتى ده

وتم ناو، وتم ناو، دڵم گوم بى دوواره!