پەنجەرە
تا چەوی بکەفێدە جەهانیگ رەنگین
شەوەکیان نووڕێدە ئی دەیشتە
تا چەوی بکەفێدە گشت جەهان
مرک دەێدە کنار بەچەرە
تا بنووڕێد
گوڵیگ تەڕ
گورانی ئەرا خوەر بچڕێد
وەگەرد بڕیگ خەڕەنگز سوور
مرک دەێدە کنار بەنجەرە
وەدەنگ بەرزیگ خەنێد
ک لەناو دەرۊنی
باڵندەیگ کڕ
لەبان جۊجگەیلی خەفتیە
تواێد وەرەو ئەو ئاسمان کەوە مەرەقەزیان بکەێد
خوەی و پەنجەرە
شەوەکیانەگە جۊر وا ماڵن
وەگەردیا کوومەی وەڵنگ سەوز تەکان دەن
لەبان پاچینەیگ وە سەنگ کریاگە
و کۊزیگ وە چەپکەی فیشەک کریاسە دارەو
دۊتەیل چنگ نانەسە قوڕگی
و تکەیل واران جۊر کەمان گیتاریگ
لە کنار دیوارەیل
بریقە دەن
پیاو پیریگ
وەتک گووچانەگەی
لەبان قوم تەڕ
نەخشەی ئیسپانیا کیشێد
و وینەی سەربازیگ مەرمەری لەناوی دروس کەێد
و دیوارەیل تیەنە لەرزە
وەگەرد تونی جۊلەی زەوی
و دەرەگە ئەرا تاریکی وازە
ئەو تاریکی دویرە
تا رەسێدە یەکەمین قیژە
نووڕێدە ئی شەوەکی کەوە
تا چەوی بکەفێدە جەهانیگ رەنگین
وەی شەوەکیانە
نووڕێدە ئی دەیشتە
تا چەوی بکەفێدە گشت جەهان.
کونراد ئیکون، شاعر و روومانویس ئەمریکی
