نامەت رەسی

 نامەت رەسی 

لە یەێ لاپەڕ و کوڵ 

بێ سڵام و بێ مێژو 

پر لە ژان و پەژارە ، لە وەرەنیسکەیل تیەڵ

نۊسایدە 

لە نیشتمان خوەرتاوت

ک وە تاڵان دێوەیل دڵڕەش چگە 

ئوو ئازادیێگ 

ک وە کوڵەســۊکێ کیشیاگەو 

لە ڕووشنای ڕووژ دزیاگە.... 

لە ئاڵاێ سەربەرز وڵاتت 

ک لە ناو گەنجەی زۊینەی باوگد دیدەسەو

لە پەڕ پڕتاڵ کوردی چریکی و 

قەێقەتار و پەڕان ئەو میلبریاگێ

نۊسایدە لە خوەد

لە قڵفەیل پۆڵادینێ

ک لە لێــو سەردت زەنگْ بەسینە

ئوو ژیان ڕەشدە

ک ڕەشیێ لەناو هۊچ تیەریکە زڵماتگانی نییە 

ئمزاێ کردیدە

وە چەن تک ئەسر چەوەێلد

ک سووریێ چۊ هۊچ خوالینێ نییە 

ژاکان باران مەڵکشاهی