نەرمە واران

تا وه‌هار که‌س‌مه‌زان له‌ێره‌وه‌ر به‌و تا بچيم 

ئێ زه‌ۊه‌ که‌ێ تام گه‌رم عاشقی ده‌ێدن؟! هه‌ڵس! 

عشق ئه‌و چه‌و کاڵه تاگه‌ر ها‌ له سه‌ر، به‌و تا بچيم 

سێف کاڵ و ليموو و به‌ێ له‌وره‌ هه‌س ‌هه‌ر چێ توای 

باخ ڕۊت ئێره که‌ێ دێرێ سه‌مه‌ر؟ به‌و تا بچيم! 

ئێ وڵاته‌ ده‌يمه ‌ساتێ دڵخوه‌شی لاێ چه‌و که‌وێ

مامڵه‌ێ که‌يمن هه له‌ێوا! سه‌ر وه‌ سه‌ر! به‌و تا بچيم! 

له‌يليه‌يل که‌وسوار دڵخوه‌شی له‌ێ هووزه‌ چێن 

تا بکه‌ن مه‌جنوون تر هه‌م ده‌ر وه‌ده‌ر، به‌و تا بچيم!

ئێره‌ ئمشه‌و رێبه‌نانه‌و ئاسمان ئه‌خمێ تيه‌ڵه

وازه‌ له‌وره‌ ده‌روه‌چ ماڵ سه‌حه‌ر! به‌و تا بچيم!

جەلیل ئاهەنگنژاد