مه‌ى ‌بڕشن

چاره‌ى ئى دڵ منه‌، ئى بڕشن، بڕشنه‌

كار تو ناو چه‌‌ كه‌‌یده‌ من، هه‌ى تو په‌‌یاپه‌‌ى بڕشن

حه‌‌سره‌‌ت من ئه‌‌راى مه‌یه‌، حه‌‌سره‌‌ت دڵ، ده‌‌نگ نه‌یه‌

هه‌‌ر كه‌ غه‌‌مى ئه‌‌را‌ى خوه‌‌یه‌،‌ مه‌ى وه‌ ده‌‌نگ نه‌ى بڕشن

هه‌‌م غه‌‌م دڵ فه‌‌راهه‌‌مه‌، هه‌‌م غه‌‌م من ده‌‌ماده‌‌مه‌

كاسه‌ چه‌‌كه‌‌یده‌ ئى غه‌‌مه‌، وه‌‌كیله‌‌گه‌‌ى ره‌ى بڕشن

تا مه‌ى‌ غه‌‌م كه‌‌سى نه‌‌‌خوه‌‌ى، په‌ى نیه‌‌وه‌‌یده‌ قه‌‌در خوه‌‌ى

من زانم ئى مه‌یه‌ چه‌‌كه‌‌ى، مه‌ى ‌بڕشن، مه‌ى ‌بڕشن

مه‌ى ‌رشنى نه‌‌نووڕه‌ من،‌ سه‌‌لاح من ها ده‌‌س تو

كى‌تویه‌‌نى نه‌‌زه‌‌ر بیه‌‌ى،‌ كه‌ى نه‌‌ڕشن،‌ كه‌ى‌بڕشن؟

یه‌كى دیرى وه‌ تویله‌‌كى،‌ وه‌ ژیر چه‌‌و وه‌ من خه‌‌نى

تا وه‌ كه‌‌سى دى نه‌‌خه‌‌نى، گه‌پى ئه‌‌راى خوه‌‌ى بڕشن

زانم ئه‌‌را وه‌‌راوه‌ كه‌‌ى،‌ كه‌‌ى ك غه‌‌ریبه‌ پى نه‌‌وه‌‌ى

هه‌‌ر كه‌ ك پى بوه‌‌ى، بوه‌ى،‌ رخم ئه‌‌را به‌‌ى، برشن

«قه‌‌سرى» وه‌ ئى بى كه‌‌سیه‌،‌ واهمه‌‌یى وه‌ كه‌‌س نیه‌

داروغه‌ چه‌‌س، عه‌سه‌س كیه‌؟عه‌سه‌س غه‌‌لِه‌‌ت كه‌‌ى، بڕشن