م ئحساسم گه‌‌نم

م ماڵم  ها  سه‌‌ره‌‌و لێجى خوه‌‌راوه‌

تو ماڵت بان به‌‌رزى خوه‌‌رئلاسه‌

تو ئه‌‌ر ژیه‌‌ر بێته‌ خوه‌‌ردم چوى شه‌‌راوه‌

تو ئه‌‌ر نووڕم بكه‌‌ى نووڕت دواسه‌

ئه‌‌گه‌‌ر بێت ده‌ وه‌‌سف قامه‌‌تت هه‌‌س

قونووت هه‌‌ر شه‌‌وێ سه‌‌وڵه‌‌ێل راسه‌

گێا (شا)سه‌ ده‌ ئه‌‌و موڵكه‌ ك بووگه‌‌ت

ده‌ ئه‌‌و موڵكه‌ ك نه‌‌وگه‌‌ت شا (گێا)سه‌

هه‌زار و یه‌‌ێ گر‌‌نگ وا خس ده‌ زوڵفت

نه‌‌زه‌‌ر كه‌‌رده‌‌ێ خودا، دار شه‌‌فاسه‌

كیه‌‌نى كام باخه‌ ئاو ده‌‌ێ خوه‌‌ى وه‌ ته‌‌نیا

ك عه‌‌تر گوڵ به‌‌شه‌‌و كه‌‌ێ ئه‌‌و هه‌ناسه‌

یه‌‌ ك ئویشم   بنووڕه‌‌م   خوه‌‌ێ نقاسه‌

یه‌‌ك ڕوى ده‌‌م خه‌‌یه‌ولا دى جه‌‌فاسه‌

تو ئه‌‌ر عاله‌‌م بیه‌‌ل یه‌‌ك، كه‌‌س "نه‌" نیه‌ویشێ

وه‌‌لێ دى كوشتن عاشق مناسه‌