لەیەکچوانن شاکه وخانمەنسور وه شمس

د دوس گیانی شرینتر له قەن

شاکه و خانمسیو یک روح له د تەن 

تاریخ خوەنیمه دوره و دوره

له تاریخ نیمه دو کەس وی جوره

مولوی له شمس مر چوه شنفتی

له دڵ و خور له دیده خفتی

مر چوه شنفتی هوشد چگ له سەر

روحد پەد کیشا له دامانێ خوەر

تا جی چیده له عالم ئو در

ووره نێڕسێ پای بەنی بەشر

مولوی له بلخ شاکه له بولی

هەردگ چیو مەجنون هان له پی لیلی

لیل مولوی شمس تبریزه

لیلی له یەقەی مجنون آویزه

مەولوی گردی دنیا له پێ دوس

له بلخ تا مکه تا ژیرباڵ روس

چوارباڵ ئیران تا ملک ئازەر

گەردی ماڵ وماڵ تقان دەر وە در

خانمسیور هەفت ساڵ چەوەڕی له در

روژ تا ئیوارە شەو تا لیسک خور

کاروان و ریوار دا له بیز چه و

تا ئزرت منه ساڵان بیونیدو

قەسم و خودا هه خوەی ها ری راس

خانمسیور شمس و شاکه مولاناس

یه چه قالێ بیوی له تاریخ قەومیا

نوروژ گوڵیگ بیوی له زمسان خیزیا

غلامرضا کرمی